MSHAMBULIAJI WA SIMBA, EMMANUEL OKWI AIFAGILIA YANGA NA KUSEMA INA KIKOSI IMARA NA CHA USHINDANI MSIMU HUU

Mshambuliaji wa Simba SC, Emmanuel Okwi amesema, mechi ya juzi dhidi ya Yanga SC ilikuwa ngumu kuliko zote dhidi ya watani wao akiwa kwenye klabu hiyo ya Msimbazi, Dar es Salaam.

Amesema, anawaheshimu Yanga kwa kuwa wana kikosi bora na nguvu za kupambana msimu huu.

Kwa mujibu wa Okwi, kabla ya mchezo walikuwa na asilimia kubwa ya kupata ushindi ndani ya dakika 90 lakini hali ilikuwa tofauti wakati wa mchezo kwa kuwa Yanga walicheza kwa nguvu muda wote.