IBRAHIMU AJIBU RASMI JANGWANI

Mshambuliaji mahiri wa Simba SC aliyemaliza rasmi mkataba wake na wekundu hao wa Msimbazi jana tarehe 4 Julai 2017 leo ameingia kandarasi na mahasimu wao wakubwa Yanga SC ya miaka miwili .

Ajibu aligoma kuongeza mkataba na Simba SC suala kubwa likiwa ni masilahi ambayo Yanga wameweza kumtimizia.

Ajibu mwenye uwezo wa kucheka na nyavu kama mshambuliaji wa kati , mchezeshaji wa juu anakwenda kukutana na safu tishio ligi kuu kwa ufungaji Donald Ngoma , Amisi Tambwe na Saimoni Msuva.

Kipindi kirefu kocha mkuu wa Yanga SC Lwandamina alikuwa akimuhusudu mshambuliaji huyo ambaye pia ni kiungo mshambuliaji kutokana na uwezo wake wa kuituliza safu ya ushambuliaji na kupanga mashambulizi makini yenye akili.

" ni mchezaji ambaye kocha yoyote yule angetamani kuwa nae . Ana uwezo mzuri wa kuchezesha wenzake , kumiliki mpira , kufunga na kutoa pasi nzuri za mwisho . Mapungufu yapo lakini asilimia kubwa ni mchezaji bora kutimiza ndoto za kocha yoyote yule " Lwandamina

Thamani ya mkataba na mshahara wake vimebaki siri kati ya mchezaji na waajiri wake . Ajibu ataungana kesho na wenzake katika mazoezi rasmi kwa ajili ya msimu ujao wa ligi kuu unaoanza mwishoni mwa mwezi ujao.

Tayari kocha mkuu wa Yanga George Lwandamina amewasili nchini jana akitokea likizo nchini kwao Zambia kwa ajili ya maandalizi ya kikosi hicho.

Na Lazaro Masika